Undirmál og ávísar

17.1

Heimliga tilfeingisbúgvingin verður styrkt, millum annað við altjóða stuðli til menningarlond, at bøta um evnini at krevja inn skatt og aðra inntøku

17.1.1

Samlaðu almennu inntøkurnar sum partur av BTÚ, skift á keldu
  • Fráboðað á netinum

17.1.2

Partur av fíggjarlógini fíggjaður av skattum
  • Fráboðað á netinum

17.2

Ídnaðarlond skulu til fulnar røkja sína skyldu at veita almenna menningarhjálp (Official Development Aid, stytt ODA), heruppií lyftið hjá mongum ídnaðarlondum at røkka málinum, sum er 0,7 prosent av bruttutjóðarinntøkuni (Gross National Income, stytt GNI) fyri almenna menningarhjálp ODA/GNI til menningarlond og 0,15 til 0,2 prosent av ODA/GNI til tey minst mentu londini; ODA-veitarar verða eggjaðir til at umhugsa at seta sær sum mál at lata teimum minst mentu londunum í minsta lagi 0,2 prosent av ODA/GNI

17.2.1

Netto almennur menningarstuðul, samantalda upphæddin og til minst mentu londini sum partur av samlaðu bruttotjóðarinntøkuni (BTI) hjá gevaralondunum í Felagsskapinum fyri búskaparligum samstarvi og menning (OECD)
  • Fráboðað á netinum

17.3

Fáa til vega eyka fígging til menningarlond frá fleiri ymiskum keldum

17.3.1

Nýtt fæfeingi virkjað til menningarlond frá fleiri keldum
  • Kanna dátukeldur

17.3.2

Nøgdin av peningasendingum hjá tilflytarum til heimlandið (í US dollars) sum partur av BTÚ
  • Kanna dátukeldur

17.4

Menningarlondini skulu fáa hjálp at fáa langtíðar burðardygd í skuldarbyrðuna við samskipaðum politikkum, sum miða eftir at fáa útvegað skuldarfígging, skuldarsanering og skuldarumlegging, har tað er viðkomandi, og viðgera uttanlandsskuldina hjá sera skuldarbundnum, fátækum londum til tess at lætta um skuldartrýstið

17.4.1

Skuldargjøld sum partur av útflutningi av vørum og tænastum
  • Kanna dátukeldur

17.5

Samtykkja og seta í verk íløgustimbrandi skipanir fyri tey minst mentu londini

17.5.1

Tal av londum, ið hava samtykt og verksett íløgufremjandi tiltøk fyri menningarlond, heruppií tey minst mentu londini
  • Fráboðað á netinum

17.6

Økja norður-suður, suður-suður og tríhyrnings økissamstarv og altjóða samstarv um og atgongd til vísindi, tøkni og nýskapan og at styrkja vitanardeiling eftir sínámillum avtalaðum treytum, millum annað við bøttari samskipan millum verandi skipanir, serliga á STstigi, og við einari heimsfevndari skipan at lætta um tøknifrøðiliga menning og samstarv (Technology Facilitation Mechanism, TFM)

17.6.1

Fastnet breiðbands-internethald fyri hvørjar 100 íbúgvar, skift á samskiftisferð
  • Fráboðað á netinum

17.7

Virka fyri at menna, flyta og breiða út umhvørvisliga góða tøkni til menningarlond eftir góðum treytum, eisini fyri serprís og við framíhjátreytum, sum partarnir sínámillum semjast um

17.7.1

Samlaði góðkendi stuðulin til menningarlond at fremja menning, flutning, útbreiðslu og spjaðing av umhvørvishollari tøkni
  • Kanna dátukeldur

17.8

Fáa tøknifrøðibankan at virka til fulnar eins og førleikamennandi skipanir í vísindum, tøknifrøði og nýskapan fyri tey minst framkomnu londini fyri 2017 og í størri mun nýta stuðlandi tøknifrøði, serstakliga kunningar- og samskiftistøknifrøði

17.8.1

Partur av persónum, ið nýta internet
  • Kanna dátukeldur

17.9

Økja altjóða stuðul til at seta í verk munadygga og miðvísa førleikabúgving í menningarlondum til at stuðla ætlanum hjá einstøku londunum at seta í verk øll Heimsmálini fyri burðardyggari menning, eisini ígjøgnum norður-suður, suður-suður og tríhyrnings samstarv

17.9.1

Dollarvirðið av fíggjarligum og tøkniligum stuðli (heruppií umvegis Norður-Suður og tríkantssamstarv) tilsagdur menningarlond
  • Kanna dátukeldur

17.10

Virka fyri einari fleirtjóða handilsskipan fyri øll undir Heimshandilsfelagsskapinum (WTO), sum er reglugrundað, opin, sum ikki ger mismun og er rættlátað, m.a. við at koma á mál við samráðingunum í Doha menningarskránni (Doha Development Agenda)

17.10.1

Heimsvektaður miðaltollur
  • Fráboðað á netinum

17.11

Útflutningurin úr menningarlondum skal vaksa munandi, serstakliga verður miðað eftir at tvífalda partin av útflutningi kring heimin, ið kemur úr teimum minst mentu londunum fyri 2020

17.11.1

Parturin hjá menningarlondunum og teimum minst mentu londunum av útflutninginum í heiminum
  • Fráboðað á netinum

17.12

Seta í verk varandi tollfría og kvotufría marknaðaratgongd fyri øll tey minst mentu londini, í samvari við avgerðir hjá Heimshandilsfelagskapinum, millum annað við at tryggja, at framíhjáreglur fyri upprunaland, galdandi fyri innflutning frá teimum minst mentu londunum, eru gjøgnumskygdar og einfaldar og gera sítt til at lætta um marknaðaratgongdina

17.12.1

Vektaðir miðaltollir á menningarlond, tey minst mentu londini og smá oyggjaríki í menning
  • Fráboðað á netinum

17.13

Styrkja støðufesti í heimsmakrobúskapinum, eisini við samskipan og samanhangi í politikkum

17.13.1

Makrobúskaparligt kunningarbretti
  • Fráboðað á netinum

17.14

Styrkja samanhang í politikkum fyri burðardygga menning

17.14.1

Tal av londum, ið hava verksettar mannagongdir at betra samfestið í burðardyggari menning
  • Kanna dátukeldur

17.15

Hava virðing fyri rættinum at gera politikkir og leiðsluni í einstaka landinum at gera og seta í verk politikkir at basa fátækradømi og fremja burðardygga menning

17.15.1

Í hvønn mun landið nýtir egnar úrslitakarmar og amboð til ætlanarlegging, skift á menningarsamstarvsveitarar
  • Kanna dátukeldur

17.16

Styrkja Heimsfevnandi partalagið fyri burðardygga menning (Global Partnership for Sustainable Development), stuðlaður av partaløgum við fleiri áhugapørtum, ið skulu fáa til vega og deila sínamillum vitan, serkunnleika, tøknifrøði og fíggjarligt tilfeingi, alt fyri at stuðla øllum londum at røkka Heimsmálunum, serstakliga í menningarlondunum

17.16.1

Tal av londum, sum boða frá betri munadygd í menningarskipanum fyri fleir-áhugapartar at hava eftirlit við skipanum, ið stuðla at røkka burðardyggu menningarmálunum
  • Kanna dátukeldur

17.17

Eggja til og virka fyri munadyggum partaløgum, ið eru almenn, almenn-privat ella umboðandi áhugafelagsskapir, og byggja á royndir og tilfeingisútvegandi virkisætlanir í partaløgum

17.17.1

Upphædd í US dollars, sum er tilsøgd almenn-privat partaløg fyri undirstøðukervi
  • Kanna dátukeldur

17.18

Fyri 2020 skal stuðulin til førleikabúgving til menningarlond økjast, eisini fyri tey minst mentu londini og smá oyggjaríki í menning, til í stórum at økja tøku nøgdina av hádygdar-, rættstundis og álítandi dátum, sum eru sundurgreinaðar eftir inntøku, kyni, aldri, rasu, etnisiteti, migratoriskari støðu, breki, staðseting og øðrum eyðkennum, sum eru viðkomandi í landssamanheingi

17.18.1

Ávísi fyri hagfrøðiliga førleikan at vaka yvir tey burðardyggu menningarmálini (SDG)
  • Kanna dátukeldur

17.18.2

Tal av londum við hagtalslóggávu, ið lýkur grundreglurnar fyri almennum hagtølum
  • Fráboðað á netinum

17.18.3

Tal av londum við fult fíggjaðari og verksettari ætlan at veita hagtøl, skift á fíggingarkeldur
  • Fráboðað á netinum

17.19

Fyri 2030 verður bygt á verandi átøk at menna mátingarhættir til at máta framburð í burðardyggari menning, sum kann koma afturat BTÚ, og stuðla hagtalsligu førleikamenningina í menningarlondum

17.19.1

Dollarvirðið av øllum tilfeingi, ið er sett av til at styrkja hagtalsliga førleikan í menningarlondum
  • Fráboðað á netinum

17.19.2

Partur av londum sum (a) hava hildið minst eina fólka- og bústaðarteljing seinastu 10 árini, og (b) hava rokkið 100 prosent skráseting av føðingum og 80 prosent skráseting av deyðum
  • Fráboðað á netinum
Aftur til toppin