Undirmál og ávísar

2.1

Fyri 2030 at enda hungur og tryggja øllum fólkum, serstakliga teimum fátæku og fólki, sum er illa fyri, eisini pinkubørnum, atgongd til tryggan, føðslugóðan og nóg nógvan mat alt árið

2.1.1

Prosentpartur av undirføddum
  • Fráboðað á netinum

2.1.2

Útbreiðsla av nøkrum ella álvarsligum føðslutroti í fólkinum, bygt á ávísan fyri føðslutrygd (FIES - Food Insecurity Experience Scale)
  • Ikki tøkt

2.2

Fyri 2030 at enda alt føðslutrot, heruppií at røkka altjóða ásettum málum fyri 2025 um vakstrartarn og avmergjan hjá børnum undir 5 ára aldur og nøkta føðslutørvin hjá hálvvaksnum gentum, kvinnum, sum eru við barn ella geva bróst, og eldri fólki

2.2.1

Útbreiðsla av vakstrartarni (hædd fyri aldurin <-2 standardfrávik frá miðvirðinum fyri barnavakstrarstandardinum hjá Heimsheilsustovninum (WHO)) millum børn yngri enn 5 ár
  • Kanna dátukeldur

2.2.2

Útbreiðsla av føðslutroti (vekt í mun til hædd >+2 ella <-2 standardfrávik frá miðvirðinum fyri barnavakstrarstandardinum hjá Heimsheilsustovninum (WHO)) millum børn yngri enn 5 ár, skift á slag (soltni og yvirvekt)
  • Kanna dátukeldur

2.2.3

Útbreiðsla av blóðtroti hjá kvinnum 15 til 49 ára gamlar, skift á um tað er barnakona ella ikki (prosentpartur)
  • Kanna dátukeldur

2.3

Fyri 2030 at tvífalda landbúnaðarframleiðsluna og inntøkuna hjá smáum matvøruframleiðarum, serliga kvinnum, upprunafólki, familjubøndum, reikandi húsdjórabøndum og útróðarmonnum. Tað verður millum annað gjørt gjøgnum tryggjaða atgongd á jøvnum føti til land, annað framleiðandi tilfeingi og ískoyti, vitan, fíggjartænastur, marknaðir og møguleikar fyri virðisøking og við øðrum arbeiði enn landbúnaði 2.4 Fyri 2030 at tryggja burðardyggar matvøruframleiðsluskipanir og seta í verk dyggar landbúnaðarmannagongdir, sum økja úrtøku og framleiðslu, sum eru við til at varðveita vistskipanir, sum styrkja evnini

2.3.1

Framleiðslunøgd fyri hvørja arbeiðseind flokkað eftir stødd á framleiðslueind í jarðarbrúki/húsdýravinnu/skógrøkt
  • Kanna dátukeldur

2.3.2

Miðalinntøka hjá lutfalsliga smáum matframleiðarum, skift á kyn og hvørt talan er um upprunafólk
  • Kanna dátukeldur

2.4

Fyri 2030 at tryggja burðardyggar matvøruframleiðsluskipanir og seta í verk dyggar landbúnaðarmannagongdir, sum økja úrtøku og framleiðslu, sum eru við til at varðveita vistskipanir, sum styrkja evnini at laga seg eftir veðurlagsbroytingum, ógvisligum veðri, skerpingi, flóð og øðrum vanlukkum og alsamt at bøta lendis- og molddygdina

2.4.1

Partur av landbúnaðarlendinum við burðardyggari landbúnaðarframleiðslu
  • Kanna dátukeldur

2.5

Fyri 2020 at varðveita íleguymisleikan í sáði, aldum plantum og aldum dýrum og húsdýrum umframt villu sløgunum, tey eru skyld við. Tað verður millum annað gjørt við væl skipaðum og ymisligum sáð og plantubankum á lands-, økis- og altjóða stigi. Virkað verður fyri, at ágóðar, sum standast av at gagnnýta ílegutilfeingi saman við siðbundnum kunnleika, koma øllum til góðar á rættvísan hátt, sum samtykt er á altjóða stigi

2.5.1

Tal av (a) plantu- og (b) djóraílegutilfeingi at nýta til matna og landbúnað, ið er tryggjað varðveitslu í annaðhvørt miðallangari ella langari goymslu
  • Kanna dátukeldur

2.5.2

Partur av staðbundnum sløgum, ið eru mett í vanda fyri at verða týnd
  • Kanna dátukeldur

2.a

Millum annað við vaksandi altjóða samstarvi skulu íløgurnar økjast í undirstøðukervið úti um landið, í landbúnaðargransking og ráðgevatænastur, tøknifrøðiliga menning og ílegubankar til plantur og fenað til at vaksa um framleiðsluførið hjá landbúnaði í menningarlondunum, serstakliga í teimum minst mentu londunum

2.a.1

Vísital hjá landbúnaðinum fyri almennar útreiðslur
  • Kanna dátukeldur

2.a.2

Samantaldi almenni peningaflutningurin (almenn menningarhjálp umfram onnur almenn fígging) til landbúnaðargeiran
  • Kanna dátukeldur

2.b

Handilsavmarkingar og avlagingar á heimsins landbúnaðarmarknaðum verða rættaðar og fyribyrgdar, millum annað við at beina burtur allan útflutningsstuðul til landbúnað og øll útflutningstiltøk við somu ávirkan í samsvari við heimildina í Doha menningarumfarinum hjá Heimshandilsfelagsskapinum WTO (Doha Development Round)

2.b.1

Útflutningsstudningur til landbúnað
  • Fráboðað á netinum

2.c

Tiltøk verða sett í verk fyri at tryggja, at matvørumarknaðir og teirra avleiddu marknaðir virka væl, og lætta um at fáa nóg skjóta atgongd til marknaðarkunning, millum annað um matgoymslur, fyri á tann hátt at avmarka ógvisligu sveiggini í matvøruprísunum

2.c.1

Ávísi fyri frávik í matvøruprísum
  • Kanna dátukeldur
Aftur til toppin