Undirmál og ávísar

14.1

Fyri 2025 skal forðast fyri og munandi minkast um alla havdálking, serliga dálking frá virksemi á landi, íroknað burturkast á sjónum og dálking frá taðevnum

14.1.1

(a) vísital fyri ovtaðing við strendurnar, og (b) tættleikin av plastleivdum
  • Fráboðað á netinum

14.2

Fyri 2020 skulu vistskipanir í høvum og fram við strendur verða vardar og umsitast á burðardyggan hátt fyri at sleppa undan munandi skaðiligari ávirkan millum annað við at styrkja teirra mótstøðuføri. Gera átøk at fáa tær endurskaptar til tess at fáa sunn og úrtøkugóð høv

14.2.1

Tal av londum, ið umsita havøki við støði í vistskipanum
  • Kanna dátukeldur

14.3

Havsúrgan skal minkast, og lagt verður eftir ávirkanini frá súrgan, millum annað við meiri vísindaligum samstarvi á øllum stigum

14.3.1

Miðalsúrleikastig á sjónum (pH) mált í avtalaðari røð av stakroyndum tiknum úr umboðandi støðum
  • Fráboðað á netinum

14.4

Fyri 2020 skal fiskiskapur verða væl skipaður og endi verða gjørdur á ovurfiskiskapi, ólógligari, ófráboðaðari og óskipaðari fiskiveiðu og oyðandi veiðiháttum. Settar verða í verk vísindaliga grundaðar umsitingarætlanir til tess at fáa fiskastovnar at koma fyri seg aftur skjótast gjørligt, og í minsta lagi upp til eitt støði, har teir kunnu ala av sær burðardygga veiðu, mett eftir teirra lívfrøðiligu serkennum

14.4.1

Partur av fiskastovnum, ið eru innan fyri lívfrøðiliga burðardyggum kørmum
  • Fráboðað á netinum

14.5

Fyri 2020 skulu í minsta lagi 10 prosent av øllum stranda- og havleiðum verða vard í samsvari við lands- og altjóða lóg og grundað á bestu tøku vísindaligu vitanina

14.5.1

Partur av havleiðum, ið eru vard øki
  • Kanna dátukeldur

14.6

Fyri 2020 skal ávísur stuðul til fiskivinnuna, sum ger sítt til at eggja til ovurorku og ovurfisking, verða bannaður. Beint verður fyri stuðulsskipanum, sum eggja til ólógligan, ófráboðaðan og óskipaðan fiskiskap, og nýggjur stuðul av slíkum slagi verður ikki innførdur. Alt hetta viðurkennandi, at hóskandi og munadygg, serstøk og ymisk viðgerð fyri menningarlond og tey minst mentu londini skal vera ein samskipaður táttur í fiskivinnustuðulssamráðingum hjá Heimshandilsfelagsskapinum (WTO)*

14.6.1

Menningarstig at fremja altjóða tiltøk at fyribeina ólógligum, ófráboðaðum og óskipaðum fiskiskapi
  • Fráboðað á netinum

14.7

Fyri 2030 økja búskaparligu fyrimunirnir til smá oyggjaríki í menning og tey minst mentu londini frá burðardyggari nýtslu av havfeingi, millum annað við burðardyggari umsiting av fiskivinnu, alivinnu og ferðavinnu

14.7.1

Burðardyggur fiskiskapur sum partur av BTÚ í smáum oyggjaríkjum í menning, minst mentu londunum og í øllum londum
  • Kanna dátukeldur

14.a

Økja vísindaliga kunnleikan, menna granskingarførleikar og flyta øðrum havtøknifrøði við atliti at Intergovernmental Oceonographic Commission Criteria and Guidelines on the Transfer of Marine Technology til tess at bøta um heilsustøðuna í høvunum og økja um íkastið, sum havsins lívfrøðiliga margfeldið gevur menningini av menningarlondum, serstakliga smáum oyggjaríkjum í menning og teimum minst mentu londunum

14.a.1

Partur av avsettum peningi til gransking, ið fer til gransking í havtøkni
  • Kanna dátukeldur

14.b

Veita smáútróðri atgongd til havfeingi og marknaðir

14.b.1

Menningarstig at fremja lógar/kunngerðar/politiskar/stovnsligar karmar ið viðurkenna og verja atgongurættindi hjá útróðri til havfeingi
  • Fráboðað á netinum

14.c

Økja verju og burðardygga nýtslu av høvunum og teirra tilfeingi við at seta í verk altjóða lóg, sum hon sæst í ST-havrættarsáttmálanum (UNCLOS), sum setur lógarkarmin um at varðveita og nýta høvini og teirra tilfeingi á burðardyggan hátt, sum nevnt í grein 158 í “The Future We Want”

14.c.1

Tal av londum, ið gera framstig umvegis lóggávu, politikki og fyrisitingarmyndugleika at staðfesta, taka við og seta í gildi atgerðir til tess at varðveita og nýta høvini og teirra tilfeingi á burðardyggan hátt sum ásett í ST-havrættarsáttmálanum (UNCLOS)
  • Fráboðað á netinum
Aftur til toppin