Undirmál og ávísar

Undirmál 9.1

Ment verða dygdargóð, álítandi, burðardygg og harðfør undirstøðukervi, eisini økis- og undirstøðukervi tvørtur um mørk, fyri at stuðla búskaparligari menning og menniskjaligum trivnaði við denti á rættvísa atgongd fyri øll fyri ein rímiligan kostnað

Ávísi 9.1.2


Undirmál 9.2

Virkað verður fyri inkluderandi og burðardyggari ídnaðargerð og at hækka í stórum partin hjá ídnaðinum av arbeiðsplássum og bruttotjóðarúrtøku fyri 2030 í samljóði við umstøðurnar í landinum. Í teimum minst mentu londunum skal hesin parturin tvífaldast

Undirmál 9.3

Virkað verður fyri, at smáar ídnaðarfyritøkur og aðrar fyritøkur, serliga í menningarlondum, sleppa betur fram at fíggjartænastum, heruppií lán ella kreditt, og at tær verða betur flættaðar inn í virðisketur og marknaðir

Ávísi 9.3.2


Undirmál 9.4

Fyri 2030 skal undirstøðukervið betrast og ídnaðir uppstigast fyri at gera tey burðardygg, við enn munadyggari tilfeingisnýtslu og meiri nýtslu av reinari og umhvørvisvinaligari tøkni og ídnaðarligum tilgongdum. Øll lond skulu virka í samsvari við ta orku og teir førleikar, tey hava

Ávísi 9.4.1

CO2-útlát sum partur av virðisøking
  • Støða hjá ávísa Fráboðað

Undirmál 9.5

Vísindalig gransking skal styrkjast, og tøkniligu avriksevnini í ídnaðargeiranum í øllum londum, serstakliga í menningarlondunum, skulu betrast við millum annað fyri 2030 at stimbra nýskapan og vaksa munandi um talið á teimum, ið arbeiða við gransking og menning fyri hvørja millión íbúgvar, eins og peningin, ið alment og privat verður brúktur til gransking og menning

Ávísi 9.5.1

Útreiðslur til gransking og menning sum partur av BTÚ
  • Støða hjá ávísa Kanna dátukeldur

Ávísi 9.5.2


Undirmál 9.a

Lætta um at menna burðardygg og harðfør undirstøðukervi í menningarlondum við at økja fíggjarligan, tøkniligan og fakligan stuðul til lond í Afrika, til tey minst mentu londini, til menningarlond, sum ikki sleppa til sjógv, og til smá oyggjaríki í menning

Undirmál 9.b

Stuðla heimligari tøkniligari menning, gransking og nýskapan í menningarlondum, millum annað við at tryggja eitt stimbrandi politiskt umhvørvi fyri millum annað ídnaðarligt fjølbroytni og virðisøking á vørur

Undirmál 9.c

Økja munandi um atgongdina til kunningar- og samskiftistøkni, og strembað verður eftir at veita øllum atgongd til internet fyri rímiligan kostnað í teimum minst mentu londunum fyri 2020

Ávísi 9.c.1


Aftur til toppin