Undirmál og ávísar

15.1

Fyri 2020 at tryggja varðveitslu, endurskapan og burðardygga nýtslu av vistskipanum á landi og í feskvatni og teirra veitingum, serstakliga skógum, mýrilendi, fjøllum og turrlendi, í samsvari við skyldur sambært altjóða avtalum

15.1.1

Skógarlendi sum partur av samlaðu lendisvíddini
  • Fráboðað á netinum

15.1.2

Partur av plássum á landi og í feskvatni, sum eru týðandi fyri lívmargfeldi, og sum eru fevnd av vardum økjum, skift á slag av vistskipan
  • Fráboðað á netinum

15.2

Fyri 2020 at virka fyri at seta í verk burðardygga umsiting av skógi av øllum slag, steðga skógartýning, endurskapa skaddan skóg og í stórum gróðurseta og endurplanta skóg um allan heim

15.2.1

Framstig at røkka burðardyggari umsiting av skógi
  • Fráboðað á netinum

15.3

Fyri 2030 at basa oyðimarkarmyndan, at endurbøta oyðilagt lendi og mold, eisini lendi, sum ávirkað er av oyðimarkarmyndan, skerpingi og floymi, og stremba eftir at fáa í lag ein heim, sum er í javnvág, tá talan er um landtýning

15.3.1

Partur av oyðiløgdum lendi sammett við samlaða lendisøkið
  • Fráboðað á netinum

15.4

Fyri 2030 at tryggja, at fjallavistskipanir verða varðveittar, eisini teirra lívmargfeldi, fyri at bøta um teirra evni at geva sítt alneyðuga íkast til burðardygga menning

15.4.1

Í hvønn mun støð, sum eru týðandi fyri lívmargfeldi í fjallavistskipanum, eru vard øki
  • Fráboðað á netinum

15.4.2

(a) Vísital fyri fjallagróður og (b) vísital fyri fjallalendisspell
  • Fráboðað á netinum

15.5

Sum skjótast at fara undir týðandi tiltøk at tálma oyðingini av natúrligum bú- og gróðrarøkjum, steðga lívmargfeldismissi og fyri 2020 at verja og forða fyri, at hótt sløg verða týnd

15.5.1

Reyðlistavísital
  • Fráboðað á netinum

15.6

Fáa í lag rættvíst og rímiligt býti av fyrimunum, ið standast av at gagnnýta ílegutilfeingi, og virka fyri hóskiligari atgongd til slíkt tilfeingi, sum ásett er í altjóða avtalum

15.6.1

Tal av londum ið hava samtykt lóggávu og umsitingarligar og politiskar karmar at tryggja rættvíst og rímiligt býti av ágóðum
  • Fráboðað á netinum

15.7

Fara beint til verka at gera enda á ólógligari veiðu og ólógligum handli við vardum plantu- og djórasløgum og taka upp spurningin um eftirspurning og útboð av ólógligum vørum úr villini tilfeingi

15.7.1

Partur av handli við villini dýrum, ið eru ólógliga veidd ella ólógliga handlað
  • Kanna dátukeldur

15.8

Fyri 2020 at seta í verk tiltøk at fyribyrgja og í stórum skerja ávirkanina av innræsnum fremmandum plantu- og djórasløgum á land- og vatnvistskipanir og fáa tamarhald á ella beina fyri teimum

15.8.1

Partur av londum, ið hava samtykt viðkomandi lóggávu og hava sett nóg mikið av tilfeingi av til at fyribyrgja og hava tamarhald á innræsnum fremmandum plantu- og djórasløgum
  • Fráboðað á netinum

15.9

Fyri 2020 at flætta virði í vistskipanum og lívmargfeldi upp í lands og staðbundnar ætlanir, í menningartilgongdir, í átaksætlanir at minka um fátækt og í greiningar

15.9.1

(a) Tal av londum, ið hava sett sær mál í samsvari við ella líkt Aichi-lívmargfeldismáli 2 um lívmargfeldi 2011-2020 í landsins langtíðarætlan og virkisskrá fyri lívmargfeldi, og fráboðaðum framstigum móti hesum málum, og (b) lívmargfeldi sum fastur partur av í roknskapar- og fráboðanarskipanum til tjóðarroknskap, skilmarkað sum verkseting av umhvørvisbúskaparliga roknskaparskipanini (SEEA)
  • Fráboðað á netinum

15.a

Fáa til vega og økja munandi um fíggjarliga tilfeingið frá øllum keldum at varðveita og á burðardyggan hátt nýta lívmargfeldi og vistskipanir

15.a.1

(a) Almennur menningarstuðul til varðveitslu og burðardygga nýtslu av lívmargfeldi og (b) inntøkur og fæ fingið til vegar við fíggjaramboðum tongdum at lívmargfeldi
  • Fráboðað á netinum

15.b

Fáa til vega munandi tilfeingi frá øllum keldum og á øllum stigum at fíggja burðardygga skógarumsiting og at tilstuðla menningarlondum væl til at fremja slíka umsiting, millum annað fyri at varðveita og endurplanta skóg

15.b.1

(a) Almennur menningarstuðul til varðveitslu og burðardygga nýtslu av lívmargfeldi og (b) inntøkur og fæ fingið til vegar við fíggjaramboðum tongdum at lívmargfeldi
  • Kanna dátukeldur

15.c

Økja stuðulin um allan heim til átøk at berjast ímóti ólógligari veiðu og ólógligum handli við vardum djóra- og plantusløgum, millum annað við at styrkja evnini hjá staðbundnum samfeløgum at søkja og halda seg til burðardyggar starvs- og vinnumøguleikar

15.c.1

Partur av handli við villini dýrum, ið eru ólógliga veidd ella ólógliga handlað
  • Kanna dátukeldur
Aftur til toppin